Rais wa Marekani Donald Trump amekosolewa na baadhi ya waumini wa kanisa katoliki baada ya kuchapisha picha ya akili mnemba, AI inayomuonesha kama Papa.
Picha hiyo, ambayo ilichapishwa na akaunti rasmi za mitandao ya kijamii ya Ikulu ya Marekani, inakuja wakati Wakatoliki wakiomboleza kifo cha Papa Francis, aliyefariki Aprili 21, na kujiandaa kuchagua papa ajaye.
Mkutano wa Wakatoliki wa Jimbo la New York ulimshutumu Trump kwa kukejeli imani hiyo.
Chapisho hilo linakuja siku chache baada ya kuwatania waandishi wa habari: "Ningependa kuwa Papa." Trump si rais wa kwanza kushutumiwa kwa kufanya mzaha na imani ya Kikatoliki.
Rais wa zamani wa Marekani Joe Biden alizua ghadhabu mwaka mmoja uliopita alipotoa ishara ya msalaba katika mkutano wa kupinga uavyaji mimba huko Tampa, Florida.
Msemaji wa Vatican Matteo Bruni alikataa kujibu maswali kuhusu wadhifa wa Trump wakati wa mkutano na waandishi wa habari Jumamosi.
Umoja wa Kikatoliki wa Jimbo la New York, ambao unawakilisha maaskofu huko New York, ulienda kwenye ukurasa wa X kukosoa picha hiyo.
"Hakuna kitu cha ujanja au cha kuchekesha kuhusu picha hii, Bw President"Tumetoka kumzika mpendwa wetu Papa Francis na makadinali wanakaribia kuingia kwenye mkutano mkuu wa kumchagua mrithi mpya wa Mtakatifu Petro. Usitudhihaki." uliandika umoja huo
