Mkuu wa Wilaya ya Kilosa  Shaka Hamdu Shaka, ametoa wito kwa wazazi, walimu, na watendaji wa kata kushirikiana kwa karibu katika kuhakikisha wanafunzi wanapata chakula cha mchana shuleni.

Amesisitiza kuwa lishe bora ni msingi wa maendeleo ya elimu na afya kwa watoto, hivyo ni jukumu la kila mmoja katika jamii kuhakikisha suala hilo linapewa kipaumbele na kwamba hatua hiyo inalenga kuhakikisha kuwa kila shule ina uwezo wa kuzalisha chakula chake, hivyo kuboresha lishe ya wanafunzi na kuongeza ufanisi katika elimu.

Shaka amebainisha kuwa Halmashauri ya Wilaya ya Kilosa imejipanga kutumia rasilimali zilizopo, hususani ardhi yenye rutuba, kwa ajili ya kilimo cha chakula cha shule ambapo ametoa rai kwa watendaji wa kata ambao hawana maeneo ya kilimo kutoa taarifa ili wapatiwe ardhi kwa ajili ya shughuli hiyo muhimu.

Serikali ya Jamhuri ya Muungano wa Tanzania imesema kuwa ina mpango wa kujenga vituo sita vya forodha mipakani katika mwaka wa fedha ujao wa 2025/26.

Hayo yamesemwa bungeni jijini Dodoma na Naibu Waziri wa Fedha, Hamad Hassan Chande (Mb), alipokuwa akijibu swali la Mbunge wa Viti Maalum, Oliver Daniel Semuguruka, aliyetaka kujua mpango wa Serikali wa kuanza ujenzi wa Kituo cha Forodha katika Kijiji cha Mukikoro, Kata ya Mugoma - Ngara.

Chande alisema kuwa Serikali imetenga jumla ya shilingi bilioni 1.1 ya ujenzi wa vituo Sita vya forodha kikiwemo kituo cha forodha Mugoma kilichopo Wilaya ya Ngara, mkoani Kagera mpakani mwa Tanzania na Burundi kwa mwaka ujao wa fedha.

Chama cha Demokrasia na maendeleo CHADEMA kimedai Jeshi la Polisi kuendesha operesheni haramu ya kuzingira na kuvamia makazi ya viongozi wa chama hicho ambao ni Mwenyekiti wa Chama Mh. Tundu Lissu na Makamu Mwenyekiti wa Chama hicho. Mh. John Heche

Kwa mujibu wa Taarifa iliyo na Mkurugenzi wa Mawasiliano na Uenezi Bi. Brandina Rupia imeeleza kuwa Katika makazi ya Mhe. Tundu Lissu, Askari wa Jeshi la Polisi wamevamia makazi ya Mh Lisu wakitaka kufanya upekuzi wa nyumba (upekuzi usiofuata sheria na taratibu), huku wakitumia lugha za vitisho na vitendo vinavyokiuka misingi ya kisheria na haki za binadamu.

Aidha taarifa hiyo imepinga kwa nguvu zote uvunjaji huo wa sheria na taratibu na kutaka majibu ya haraka kwa maswali sita waliouliza Jeshi la Polisi na Serikali ya CCM:

1. Kwa nini walitaka kufanya upekuzi usiku wa manane kama majambazi badala ya mchana kwa uwazi na kufuata taratibu na sheria?

2. Kwa nini hawakuonesha hati halali ya upekuzi kutoka mahakamani (Search Warrant) kama sheria inavyotaka?

3.Kwa nini hawakuambatana na kiongozi wa mtaa ili kushuhudia upekuzi kama taratibu na sheria zinavyowataka?

4. Kwa nini mnapanga kutekeleza au kufanya upekuzi katika nyumba ambayo mmiliki wake yupo gerezani na hawezi kushuhudia?

5. Je, Jeshi la Polisi linakusudia kumuweka Mhe. John Heche chini ya kifungo